انهاردة موضوعنا مختلف تماما عن الوصفات لاني هقدم شرح طريقة استخدام كيس الحلواني بسهولة بحيث يبقي سهل على المبتدئين يعرفوه.
الأدوات المستخدمة
- كيس حلواني.
- اقماع.
طريقة استخدام كيس الحلواني والشكل
- طبعا كيس الحلواني بيكون متوفر منه اكياس منفردة وايضا اكياس مع الاقماع انا بصراحة اشتريت الاول طقم كامل الكيس مع اقماعة بيكون معاه 7 اقماع.
- طبعا دى مش كل الاشكال فى اقماع تانى كتير بتتباع منفردة برضوا واللى مش متوفر فى الاشكال ممكن نشتريه لوحدة.
- وانا طبعا بشترى كذا كيس منفرد تانى لانى بحتاجهم فى ألوان كريمات وكدة.
- خلوا بالكم الكيس النظيف الممتاز بيكون من برة قماش ومن جوه مشمع قوى لازم يكون مشمع من الداخل لانه لو كله قماش بيطلع منه الكريمات مش بيكون حلو خالص.
- وهو لما بنشتريه بيكون مفتوح حتة صغيرة خالص من تحت واوقات بيكون مقفول نهائيا انتى بتحطى القمع جواة وبعدين تحددى بالقلم من برة الى ربع القمع خلى بالكم يا دوب الرأس بس تظهر وتقصى بالمقص حاولوا ما تقصوش كتير علشان يكون القمع داخل كويس ومفيش اى حاجة تتسرب من الجوانب.
- وطبعا هنا مكتوب علية الرقم دة حجمi يعنى لان فى احجام طبعا منها صغير ومتوسط وكبير انا بجيب الصغير للكريمات والكبير لبلح الشام والبسكويتات ولو هنزين تورتة بكمية كبيرة من الكريمة، ارجو انكم تكونوا استفدتم يارب.
