من أشهر أنواع المربات فى الوطن العربي هى مربي الفراولة والتى يعشقها الصغار والكبار، اليوم سنشرح طريقة عمل هذا النوع من المربي بالخطوات فتابعوا الشرح.
المكونات والمقادير
- كيلو فراولة منزوع منها الاوراق الخضراء ومغسولة جيدا.
- عصير ليمونة او ربع معلقة صغيرة جدا ملح ليمون.
- كيلو سكر.
طريقة عمل مربى الفراولة
- نقطع الفراولة الى قطع صغيرة حسب الرغبة.
- نضعها فى طبقات متبادلة مع السكر طبقة سكر وطبقة فراولة وتترك فى الثلاجة من الليل للصبح.
- نلاحظ شكلها تانى يوم بتجيب ماء سكرى.
- نصفى الفراولة وتترك جانبا وناخد العصير اللى طلع منها ونضعه فى قدر على النار الى ان يغلى.
- ننزع الريم ان وجد ثم نضيف عصير الليمون.
- ثم نضيف الفراولة ونتركها تستوى وتتقل.
- علشان نختبرها نضع طبق فى الفريزر حتى يبرد تمام ثم نخرجه ونضع عليه معلقة صغيرة من عسل المربى ونحرك الطبق لو لاقيناها بتتحرك بتقل وبتعمل كشكشة يبقى كده تمام لكن لو لسه سائلة نتركها شوية كمان وهكذا.
- تترك تبرد ثم تعبأ فى برطمان معقم وتحفظ فى الثلاجة وبالهنا.