انهاردة هنشرح طريقة عمل تسبيكة صوص الطماطم بالخطوات السهلة وطبعا الصورة التالية دي شكل صوص طماطم متسبك وطبعا بنحتاجه فى عمل اغلب اصناف الخضار انا بعمله بطريقة سهلة جدا وخفيفة بدون ما نشوح البصل.
المكونات والمقادير
- 1 ملعقة معجون طماطم.
- 1 كيلو طماطم.
- 1 حبة بصل.
طريقة عمل تسبيكة صوص الطماطم
- المقادير والمكونات تقريبية على حسب الحاجة.
- نحتاج الى كمية من الطماطم الطازجة المقطعة مع بصلة كبيرة مقطعة ومعلقة معجون طماطم لتعطى لون احمر للصوص.
- نضع جميع المقادير السابقة فى وعاء الخلاط مع كوب ماء ونخلط جيدا لنحصل على عصير طماطم بالبصل ناعم ومتجانس.
- نضع معلقة كبيرة سمنة او زيت او الاثنين مع بعض حسب الرغبة يا دوب تسخن شوية.
- طبعا ممكن نعمل كميات من الصوص دة ونتركه يبرد ونحفظه فى الفريزر لحين الحاجة.
- ينفع نعمل التجهيز المسبق دة قبل رمضان لتوفير الوقت.
- نصب عليها الخليط ونتركه على النار حوالى نصف ساعة الى ان يتسبك يعنى يتقل والدهن يظهر على السطح دة معنى التسبيك.
- وطبعا ممكن ننفذ نفس الصوص بس مع ثوم لبعض الاكلات الاخرى اللى بنحتاج فيها صوص طماطم بالثوم زى البامية او كفتة الرز.