تعتبر سلطة التبولة اللبنانية نوع من السلطات مشهور فى الشام اساسى فيه البرغل وانهاردة هشرح ليكم طريقة عمل السلطة دي فتابعوا معايا الخطوات.
المكونات والمقادير
طبعا هنا دى مكونات التبولة والكميات مفتوحة حسب الرغبة، هنحتاج الي:
- طماطم.
- خس.
- فلفل اخضر.
- جزر.
- بصل.
- بقدونس.
- ليمون.
- ملح.
- فلفل.
- زيت زيتون او ذرة او عباد حسب المتوفر.
- برغل على حسب الكمية وانا هنا استخدمت حوالى كوب برغل منقوع وجاهز للاستعمال.
طريقة عمل سلطة التبولة اللبنانية
- طريقة الوصفة هنا اساسي فيها البرغل طبعا بنحتاج ننقعه كام ساعة قبل الاستعمال والكميات مفتوحة حسب الرغبة.
- البرغل بعد النقع لونه بيصبح فاتح وبيبقي طرى وبيزيد حجمه.
- هنا نبدأ نقطع المكونات بس لازم تكون صغيرة الحجم فى الطماطم ومع باقى الخضراوات الاخرى.
- بعد ما نكمل باقى تقطيع الخضراوات نحط كل المكونات على بعض مع عصير ليمون وملح وفلفل اسمر نقلبهم كويس.
- بعد خلط كل المكونات بنقدمه كما بالشكل في اعلى الوصفة وعند التقديم نضيف الزيت حسب الرغبة.