انهاردة هشرحلكم طريقة عمل احلي بيتزا الجبنة ستافت كراست بالصور والخطوات والتفصيل زي المحلات واحسن كمان فتابعوا معايا عشان هنوصل مع بعض للشكل ده فى الاخر.
مقادير البيتزا المرحلة الأولى
- 2 كوب دقيق وشرط انه ينخل.
- 2 معلقة حليب بودرة.
- 2 معلقة كبيرة خميرة.
- معلقة سكر.
- معلقة صغيرة ملح.
- كوب ونصف ماء دافئ.
- نخلط المقادير دى كلها على بعض هتكون سايلة شوية ونتركها تخمر ربع ساعة كده ثم نضيف اليها مقادير المرحلة التانية وهى:
مقادير البيتزا المرحلة الثانية
- 3 كوب دقيق.
- بيضة.
- كوب زبادى.
- ثلث كوب زيت.
طريقة عمل بيتزا الجبنة ستافت كراست
نخلطهم على المقدار السابق ونعجن الى ان نحصل على عجينة متماسكة بس الافضل نضيف 2 ونصف دقيق ونسيب النصف دة لتضبيط العجينة يعنى نضيفة فى الاخر نلم بية العجينة وتبع ما تحتاج معاكى على حسب نوع الدقيق.
نحصل على عجينة طرية جدا وهشة نقسمها 5 كرات ونتركها تخمر تانى طبعا المقدار دة يعمل 5 بيتزات او بمعنى اصح 5 كرات كبيرة ممكن تشكيلى بيها اى معجنات تانية كمان ناجحة جدا.
ناخد كرة من العجين بعد ما خمرت ونفردها الى دائرة على دقيق اكبر من حجم الصينية اللى هانعمل فيها لاننا هنحشى الاطراف بالجبنة.
بالشكل ده انا هنا كنت بشوف المقاس ندهن الصينية زيت خفيف ونشيل العجينة نضعها فى الصينية.
طبعا هنحتاج الى جبن موزاريلا اصابع ان وجدت او اصابع جبنة شيدر حسب الرغبة لحشو الاطراف وايضا نحتاج الى مكونات البيتزا المتعارف عليعا زيتون وفلفل وجبنة موزاريلا مبشورة واى حشو اخر او اى اضافات تفضلونها وصلصلة البيتزا او كاتشب وسبق وشرحت صوص المارجريتا.
هنا دة شكل اصابع الجبن.
نرص الاصابع على الطراف بالشكل ده.
ثم نغلق العجين اللى فى الاطراف عليها.
نضع صوص المارجريتا.
ثم باقى الحشو.
والجبن الموزاريلا المبشور بكثرة وانا رشيت كمان كاتشب.
ندخلها فرن حار جدا حوالى عشر دقائق الى ربع ساعة ما تغيبش فى الفرن دة شكلها اول ما طلعت.
وهنا شكلها من جوة علشان الاطراف تشوفوا شكل الجبنة وهى سايحة.
وتقدم بالهنا لا تنسونى من صالح دعائكم احبتى.
