انهاردة هشرح لكم طريقة عمل مخلل الخيار وتخليله بسهولة فى المنزل بالخطوات والشرح بالتفصيل فى الفيديو بآخر الوصفة فتابعوا معايا.
ويعتبر مخلل الخيار البلدي اسهل واسرع مخلل على الاطلاق ولا توجد له مقادير ومكونات ثابتة لان الكميات مفتوحة حسب الرغبة.
المكونات والمقادير
- ⅛ كيس ملح (الكمية حسب الرغبة).
- 1 كيلو خيار طازج (الكمية حسب الرغبة).
- ¼ كيلو فلفل أحمر شطة (اختيارى).
- 1 فص ثوم.
- 1 زجاجة خل (حسب حجم البرطمان).
- 3 كوب ماء (حسب حجم برطمان التخليل)
طريقة عمل مخلل الخيار
- نحتاج الى خيار طازج وماء وملح وخل وفص ثوم وشطة حسب الرغبة.
- هنبدأ نقطع الخيار ممكن طولياً وممكن شرائح.
- انا بستعمل القطاعة المزجزجة بيكون شكلها حلو بس طبعا حسب رغبتكم.
- نضع الخيار فى البرطمان الزجاجى ونقطع فص الثوم على الوجه.
- نعمل محلول ماء ملحى عبارة عن نصف معيار البرطمان ماء ممكن عادى، وممكن ماء فاتر لو حبيتم انه يستوى بسرعة وندوب فيه ملعقتين كبار ملح.
- انا بحب احط فلفل احمر شطة مفروم بس ده حسب الرغبة وخل ونقلبهم كويس.
- ثم نصبهم على الخيار في البرطمان الى ان يغطى سطح الخيار تماما.
- نغلق البرطمان وممكن نتركه يوم خارج الثلاجة ثم نحفظه فى الثلاجة ومش بياخد وقت كتير 3 او 4 ايام فقط ويكون جاهز للاكل.
- هنلاحظ ان مخلل الخيار بعد يوم بيبدأ لونه يصفر وده علامة على انه بدأ يستوي.
وده فيديو شرح طريقة عمل مخلل الخيار بسهولة في البيت اتمنى ان ينال اعجابكم.