دائماً ما نجد صعوبة فى تحضير صوص البشاميل أو كما يعرف بإسم الوايت صوص، واليوم سأشرح لكم بالخطوات طريقة سهلة فى عمل صوص الابيض البشاميل.
المكونات والمقادير
- 2 كوب دقيق.
- 7 كوب حليب.
- 3 ملعقة سمنة.
- 2 رشة ملح.
- فلفل أسمر.
طريقة عمل صوص البشاميل
- انا قلت اعمل لكم المقادير بالكوب علشان تكون اسهل والطريقة دى مضبوطة جدا وبتكون زى الكريمة.
- بس علشان يكون البشاميل ناجح وطعمة حلو لازم يتعمل بسمنة كتير.
- هنحتاج الى 3 ملاعق كبيرة سمنة و2 كوب دقيق و7 كوب حليب لو عايزين كمية اصغر نقسم المقدار مع مراعاة ان الكوب اللى بنعاير بيه الدقيق يكون نفس كوب معيار الحليب وطبعا ملح وفلفل اسمر او ابيض حسب الرغبة.
- نحط السمنة فى حلة على النار الى ان تسخن كويس نبدأ نضيف الدقيق دفعة واحدة.
- ونقلب كويس لمدة دقيقة لغيت ما بيكون شكله سائل مش كتلة واحدة.
- نضيف كل كمية الحليب دفعة واحدة على طول ونضيف الملح والفلفل.
- نقلب كويس بالمضرب الشبكى مش هيعمل اى تكتلات خالص بالعكس هيكون كريمى جدا.
- نفضل نقلب الى ان يغلظ قوامه ويصبح بهذا الشكل في الصورة السابقة.
- يستخدم صوص البشاميل فى اطباق كثيرة اهمها المكرونة بالبشاميل واللازانيا والكوسة بالبشاميل وغيرها كتير.