انهاردة هشرح لكم طريقة عمل باستا الروبيان والخضار والوايت صوص أو كما تعرف بإسم مكرونة بالجمبري والوايت صوص والشرح هيكون بالصور والخطوات وكمان فى اخر الوصفة شرح بالفيديو كأنك فى مطبخى فتابعوا معايا.
والوصفة سهلة وبسيطة جدا لا تستغرق وقت في الاعداد حوالي ساعة بالكتير.
المكونات والمقادير
- نصف كيلو مكرونة اي نوع تفضلونه.
- كيلو جمبري مقشر ومتنظف.
- فلفل ألوان حبة واحدة من كل نوع.
- كوب مشروم مقطع.
- حبة واحدة طماطم مقطعة.
- معلقة صغيرة كمون.
- معلقة صغيرةبابريكا.
- ملح وفلفل.
- معلقة صغيرة كزبرة.
- كوب بقدونس وكزبرة مفرومين.
- معلقة صغيرة ثوم بودر.
- معلقة صغيرة بصل بودر.
- بصلة كبيرة مقطعة.
- معلقة كبيرة ثوم مفروم.
مقادير الوايت صوص
- 2 معلقة كبيرة دقيق.
- 2 معلقة كبيرة سمن.
- كوب حليب.
- كوب كريمة طبخ.
- معلقة صغيرة ثوم مفروم.
- كوب او نصف جبنة موزاريلا.
- ربع معلقة صغيرة ملح.
- ربع معلقة صغيرة فلفل.
طريقة عمل باستا الروبيان
نسلق المكرونة في ماء وملح ونتركها جانبا.
نحضر طاسة تيفال ونضع فيها معلقة زبدة وزيت ونشوح الروبيان (الجمبري).
مع البهارات والثوم والبصل.
ثم نضيف كل الخضراوات ماعدا البقدونس والكزبرة والمشروم ونشوح.
ثم نركن الخلطة جانبا ونشوح جنبهم المشروم.
وبنمسح المشروم فقط بمنديل مطبخ ولا يغسل اطلاقا.
ثم نقلبهم مع بعض ونضع المكرونة المسلوقة وطبعا متصفية كويس من المياه.
ونقوم بعمل الوايت صوص.
نضع السمن مع الثوم ونشوح ثم نضع الدقيق والملح والفلفل ونشوحهم شوية.
وننزل بالحليب والكريمة مرة واحدة مع التقليب المستمر ونضيف الجبن ونقلب الي ان نحصل علي وايت صوص.
بالجبنة رهيب نسكبه علي خلطة الروبيان والمكرونة والخضار.
ونضع جزء من الكزبرة والبقدونس ونقلب.
وتقدم بالهنا ساخنة مع تزينها بباقي الكزبرة والبقدونس.
الكمية دي تكفى 7 أفراد تعمل 7 أطباق فردية زي الصورة كدة وتقدم بالهنا.
شرح فيديو باستا الروبيان
وده فيديو شرح طريقة عمل باستا الروبيان والخضار والوايت صوص وضحت فيه كل التفاصيل جربوها وهتحوز على اعجباكم.